由徐子琪為她的愛女購買相同出生年份的紅酒作為女兒的嫁妝, inspire我的一個構思....

打左半個鐘的blog文無啦啦delete左. 好嬲.

原本我寫得好detail關於買樓的事, 依家都係唔講咁多. 講重點.

最近忙極了, 又被黑氣纏身. 有很多篇blog文都未得閒寫, 現在要逐一向自己清算.

得知原來肥肥哥哥的太太有看我的blog, 還與我一樣對"某人"有同一睇法, 大家還是默默地忍受著吧!(心裡自覺多了一個戰友, 哈)好吧, 這一篇blog就寫多點肥肥的哥哥, 嘻嘻.

肥肥打左俾經紀還價$136萬....經紀反應就是"景湖無可能呀""米埔景無可能呢個價呀"blah blah blah, 隔幾天經紀又打來說問奶奶要唔要再去呀(可能佢覺得奶奶可以俾多d), 但肥肥都無理佢.

其實我心入面都好在乎架, 好想買得成, 但又唔可以表現到好鐘意咁, 要擺出副好不在乎的樣子. 這是我的首次置業, 對買樓係零知識, 不過有奶奶o係度, 我都未驚過. Anyway, 我都在網上找到一些買樓的程序俾自己參考下:

楊發起為黃慶祝PASS左的gathering, 本來想去大澳, 但因為Iris同小公主都唔得, 得番我地三條友, 決定去坪洲逛逛.我從來未去過坪州, 我對坪洲的認識只在N年前無線電視劇<彩色世界> (由宣萱, 林保怡主演) 內略有所見, 我記得我睇完之後仲同肥肥講, 不如搵日去坪洲, 今日終於可以去下~

約了十一點在中環集合, 於港外線碼頭搭渡輪到坪洲 (因為我遲到了, 所以搭了十二點船). 一齊去離島玩感覺好興奮, 有點像中學時去旅行咁. 搭半個鐘就到了. 一出碼頭就feel到小島的寧靜, 碼頭出面有d似長洲, 不過無咁多人, 食店同商店都得幾間. 本想找個海鮮檔食海鮮, 但只見倒一個坐滿曬人既茶樓, 所以我地搵倒一間轉角處的泰國菜. 碟碟餸都係三十幾蚊, 都幾經濟, 而且仲係由泰國人主理, 又有open air的座位, 二話不說決定坐下.

頭盤先來個泰式鳳爪, 好味好味~食食下發現原來幾幾辣喎!

續上文, 上星期日已到肥肥父母的朋友位於嘉湖山莊的家, 她的家高層向開揚米埔景, 好靜好舒服, 而且覺得用料間隔都頗實用. 之後立即約了中X地產經紀睇樓. 經紀帶我地睇左四五個五百餘尺的匙盤, 個則都好實用, 廳房的size感覺同七百餘呎的差唔多, 只是小一間房而已, 不過全部都係天水圍樓景, 我地都唔太鐘意, 有d比較開揚少少, 但就對住學校, 想到要肥肥朝朝每半小時聽住學校響鐘就慘了. 而且價錢全部around $143-148萬, 比心目中貴得多.而且我地都想睇有米埔景的.

隔天後經紀又打來話有個在我地睇左單位樓上(3x/f) 既樓景的單位只開價$132萬, 問我地有無興趣睇, 如果真係有就真的很平. 所以又約了今個星期六去睇樓. 因為肥肥父母在深圳, 今次得我同肥肥兩個去睇左先, 點知去到佢又好似支吾以對咁無帶過我地佢話果個平盤, 佢今次就幫我地約曬業主睇左五個都係景湖一至七座既單位. 以景觀計, 景湖一至七座的細單位就座享最靚既米埔景觀.

有業主住緊既果然係企理d, 好過果d N年無人住既匙盤. 而且業主都會介紹下個單位. 我同肥肥都睇中兩個E座的單位, 我地都鐘意E座的方向, 因為個主人房真係有一望無際既米埔景. 其中一個2x/f的單位望出去係咁樣既, 令我同肥肥一見傾心.

另外一個另一座的1X/F e座景觀係咁既:

而廳的窗口望出去就係咁:

兩個單位都全部望綠色山景, 只在廳望少計樓景, 完全望唔倒天水圍公屋, 好似自己唔o係天水圍咁, 所以空氣好好啊.

新婚客真係新婚客, 諗野都幼稚d, 我同肥肥都表露左"好鐘意"既表情, 咁就蠢左, 俾個經紀睇穿左. 好彩我地話要返去問奶奶先覆返佢. 兩個單位開價相同, $14X (尾) 萬.22/f 果個裝修好舊, 好娘屎, 而且廚房的廚櫃直情爛左, 一直由兩公婆住, 佢地話要湊孫唔夠位住所以賣盤. 如果住的話最基本要油過曬油同整廚櫃. 另一個1X/F的單位, 比2x/f的低9層, 座向景觀差少少, 但都好似. 不過就新裝修, 仲連傢私, 可以話即買即住, 唔使自己俾錢再整.

 返到去同奶奶傾, 佢一聽倒個price就立即band. 真係令人好沒趣. 又講埋d悔氣說話話只係出30萬俾我地(that means if we do 70% mortgage, we can only afford 1m house, if 1m house can only choose 偉景). 後尾俾d相佢睇(好彩有影), 佢以乎覺得個景都真係幾靚. 肥肥本身鐘意13/f(有裝)果個單位, 貪佢省回裝修錢. 不過奶奶點醒左我地, 因為銀行估價係唔會理你個裝修, 咁梗係高層值錢d啦! 奶奶話嘉湖山莊只係值$2300/呎, 俾盡佢$2400. 佢話只係可以值$13X(尾)萬. 叫我地上yahoo地產睇下個最近成交價.

最近成交紀錄如下:

2009-12-22 嘉湖山莊 第07期 景湖居 第07座 12 F - $136萬

2009-12-16 嘉湖山莊 第07期 景湖居 第06座 23 F - $143萬

2009-12-09 嘉湖山莊 第07期 景湖居 第06座 29 F - $142.8萬

2009-12-04 天水圍 嘉湖山莊 第07期 景湖居 第07座 9 E - $138萬

根據以上成交紀錄, 果個單位大約只值$138-143萬, 唔可能$14X(尾). 真係唔知佢係開價狼死定係經紀從中取利. 但如果真係買, 我諗我會從$136萬講起.

第二天十點半起床打算去吃酒店早餐, 但原來這間cheap cheap酒店只包一人份的早餐, 第二人要另外加錢!! 真係cheap! 而且早餐只是到旁邊的食店食快餐, 而且又唔好食, 真失望!! 但肥肥就幾鐘意食地瓜粥, 我就麻麻喇.

回酒店HEA到一點鐘便收拾行李離開. 原來酒店附近有間好靚既骨場!! 早知尋晚去按腳仔啦! 不過酒店行十分鐘就係情侣路(海邊), 都幾舒服幾好行架! 我覺得珠海呢度規劃幾好幾舒服, 感覺好似深圳南山區, 唔似得羅湖果d咁密集, 原想在海邊的cafe坐下, 但又好似好貴咁, 所以只在海旁散下步影下相算了.

元旦的三天假期, 一直都沒有計劃點過. 在除夕的一天想起不如到澳門逛逛, 但又不想付高昂的澳門酒店, 急忙之下決定住在珠海, 來一個元旦珠海澳門兩天遊.

原先諗住除夕夜同肥肥到尖沙咀熱鬧一番, 但由於第二天要早起到珠海玩, 我倆決定近近地去黃金海岸倒數慶祝, 果度都有倒數活動, 仲有Kary同蔡康年做嘉賓, 都幾熱鬧. 倒數完就同肥肥飲番杯, 今次無去到平時去開的星群, 反而上左樓上新開的Bar, 間Bar氣氛都唔錯啵!

上星期和肥肥傾電話談開買樓的事, 真係俾佢阿媽激死. 神又係佢, 鬼又係佢. 

話說星期日冒著寒風細雨, 天氣冷得刺骨. 我同肥肥把波波送到pet pet grooming洗白白後, 吃過一碗不暖的燒肉飯, 然後一齊闖入悲情城市 - 天水圍.

上文提過啦, 我來這裡是因為肥肥媽媽極力推薦我地買嘉湖山莊. 我記得我好耐之前(~3years ago)曾去過濕地公園, 之後試過一次經天水圍去流浮山, 除此之前都未去過天水圍. 雖然經常搭西鐵時經過, 但我對此地亦相當陌生, 說實話, 還有一點戒心. 這還多得近年來新聞和朋友等對天水圍的標籤. 朋友告誡著我, 說天水圍無野行, 又多大陸人, 比大陸更多大陸人, 天水圍有一半人無野做, 唔好住, 好悲情, 山卡拉之類.....所以此行我決心要親身體會一下.

 我地由屯門渣車入去, 唔使十分鐘就到, 超快. 我地一入天水圍就駛入嘉湖山莊範圍, 把車停在嘉湖銀座的停車場. 個商場有d似馬鞍山商場咁啦, 都係D 住宅區既chain store, 無特色野行/食, 唔算太多人, 起碼無屯市咁迫人. 勝在有一間百老匯戲院. 出出入入既人都似乎係附近居民, 通常一家大細, 個樣都斯斯文文, 唔覺好多大陸人喎.

跟住我地出左商場行左去屋苑果邊. 要過條隨道同公園先去倒. 唔知係咪當日風大雨大, 條街人影都無個. 行到去景湖同美湖果邊, 出面睇個屋苑都幾試正同有管理, 感覺都幾舒服. 有個幾大既住客會所, 我地入左去參觀, 確實有幾多野玩, d住客個樣都似斯斯文文既人.

行完我都覺得唔錯. 環境都幾舒服. 原來嘉湖以景湖同美湖居既景觀最好, 高層可望米埔景. 而景觀對於樓價而言係好重要既因素. 靚景高層可以話係有價無市. 返去d地產果度望望, 見倒有d門口貼住"景湖居 米埔景 $12x萬", 細問之下原來係低層兼連租約, 即係唔可以睇樓, 簡單黎講即係無呢個盤啦! (原來所有實際價錢係門口價加約10萬). 經紀說望米埔景的都要13X-14X.

肥肥阿媽聽倒就覺得貴, 又話景觀無用, 但我想個景觀靚d喎, 開揚d唔使樓望樓咁焗促. 佢阿媽真係麻煩, 一時又話揀d有景觀, 一時又話景觀無用, 講講下又話"又唔係我住既"(to show she is thoughtful for us....but actually not!!).我心諗如果唔係為左住得舒服d, 不如住偉景算啦! 一百萬都有啦!一人讓一步. 我已經唔介意入天水圍,其實講真我先係最大股東(佔三成半), 我一定會企硬!

這個聖誕由小公主提議我地去郊遊一番, 雖然姑團共聚的時間只有25號的下午數小時, 大家還是決定帶同狗狗到南生圍行下.